Назар!

22.06.2022 ҚҰРМЕТТІ АТА-АНАЛАР❗️ Жаз маусымы келісімен суға шомылу кезеңі де басталады. Жыл сайын төтенше жағдай органдары кезекті қауіпсіздік ережерелімен таныстырса да, адам шығынын болдырмау мүмкін болмай жатады. Не себептен деп ойлайсыздар? Әрине, суға шомылудағы қауіпсіздік ережелерін сақтамағанның кесірінен қаншама адам зардап шегеді. Осыған орай назарларыңызға суда шомылу ережелерін ұсынамыз. Су айдындарындағы балалар өмірінің қауіпсіздігі көптеген жағдайларда сізге ғана байланысты! Жазғы кезеңде су айдындарында балалардың қаза болуына жол бермеу мақсатында сіздерге өз балаларыңызбен табиғи және жасанды су айдындарындағы мінез-құлық ережелері және оларды бұзудың салдары туралы түсіндіру жұмыстарын жүргізуді сұраймыз. Бұл сіздің балаларыңызбен судағы жазатайым оқиғалардын алдын алады. Балаларыңыздың өмірі осыған байланысты екенін ЕСКЕРТЕМІЗ❗️ Шомылуға қатаң тыйым салынады: - балаларға ересектердің қадағалауынсыз; - бейтаныс жерлерде; - үрлемелі матрацтарда, камераларда және басқа да жүзу құралдарында (ересектердің қадағалауынсыз); Келесі ережелерді сақтау қажет: - Суға кірмес бұрын, бірнеше жеңіл жаттығулар жасап, шынығып алыңыз. - Судың температурасы денеге ыңғайлы (белгіленген нормадан төмен емес) екеніне көз жеткізіп, біртіндеп суға кіріңіз. - Су қоймасының тереңдігі жеткіліксіз болғанда, зерттелмеген жерлерде сүңгуге болмайды (әсіресе басымен төмен!), басқа жүзушілерге жақын болған кезде. - Шомылу ұзақтығы-30 минуттан аспау керек, судың төмен температурасы кезінде-5-6 минуттан аспауы тиіс. - Табиғи су айдынында шомылу кезінде белгіленген қоршау белгілерінен тыс жүзбеңіз, моторлы қайықтарға және басқа жүзу құралдарына жақын жүзбеңіз. - Қызып кетпес үшін жағажайда бас киімде демалыңыз. - Судағы тентектік жағдайларына жол бермеңіздер. ⭕️ Есіңізде болсын❗️ Судағы қауіпсіз мінез-құлық шараларын қатаң сақтау ғана апаттың алдын алады❗️