Бүгін Балаларды қорғау күніне орай мектебімізде мерекелік іс-шара ұйымдастырылды.

Бүгін Балаларды қорғау күніне орай мектебімізде мерекелік іс-шара ұйымдастырылды. Мерекелік бағдарламаны «Көбелек» би тобы (жетекшісі: Ақтас А.Ж.) мен 2 және 4-сынып оқушыларының өнер көрсетулері ашты. Балалар өздерінің шығармашылық қабілеттерін танытып, көрермендерге көтеріңкі көңіл күй сыйлады.
Іс-шара барысында оқушылар спорттық, би және логикалық бекеттерден тұратын квест ойынына қатысып, белсенділік пен тапқырлықтарын көрсетті. Сонымен қатар, директордың тәрбие ісі жөніндегі орынбасарлары Ужекенова М.К. мен Туленова Г. К балаларды мерекемен құттықтап, марапаттау рәсімін өткізді. Шара соңында оқушыларға тәтті сыйлықтар табысталды.
Балалардың жүзіндегі қуаныш пен шаттық мерекенің басты көрінісіне айналды. Барша бүлдіршіндерге бақытты балалық шақ, зор денсаулық, көтеріңкі көңіл күй және жарқын болашақ тілейміз!