2026 жылдың 12 қаңтар күні «Бала қауіпсіздігі» тренингтік бағдарламасы аясында “Жасөспірімді зорлық-зомбылықтан қорғаудың негізі – сенім мен жеке шекараға құрмет” тақырыбында 5–11 сынып оқушыларының ата-аналарына арналған ата-аналар жиналысы өткізілді.

2026 жылдың 12 қаңтар күні «Бала қауіпсіздігі» тренингтік бағдарламасы аясында “Жасөспірімді зорлық-зомбылықтан қорғаудың негізі – сенім мен жеке шекараға құрмет” тақырыбында 5–11 сынып оқушыларының ата-аналарына арналған ата-аналар жиналысы өткізілді. 
🎯 Жиналыстың негізгі мақсаты – жасөспірімдердің қауіпсіздігін қамтамасыз ету, оларды зорлық-зомбылықтың алдын алу жолдары туралы ата-аналардың түсінігін кеңейту, бала мен ата-ана арасындағы сенімді қарым-қатынасты нығайту, сондай-ақ баланың жеке шекарасына құрметпен қараудың маңыздылығын түсіндіру болды.
Іс-шара барысында ата-аналарға жасөспірімдердің жеке шекарасының түрлері, оның бұзылу белгілері және бұл жағдайдың баланың психологиялық жағдайына әсері туралы ақпарат берілді. Сонымен қатар, зорлық-зомбылықтың алдын алуда ата-ананың рөлі, балаға сенім арту, ашық диалог орнату және қолдау көрсету мәселелері талқыланды.
Жиналыс тренингтік форматта ұйымдастырылып, жағдаяттық тапсырмалар, пікір алмасу және кері байланыс жұмыстары жүргізілді. Ата-аналар өз ой-пікірлерін білдіріп, ұсыныстарын ортаға салды. 
Қорытынды бөлімде балалардың қауіпсіз ортада дамуы үшін отбасы мен мектептің бірлескен жұмысының маңыздылығы атап өтілді.
Ата-аналар жиналысы өз мақсатына жетіп, қатысушылар тарапынан оң пікірлер мен қызығушылық тудырды.