Текст
15.12.2025
Қазақстан Республикасының Тәуелсіздік күні қарсаңында және «Адал Азамат» бірыңғай тәрбие беру бағдарламасы аясында 1–11 сынып жетекшілері Бірлік пен ынтымақ айлығы шеңберінде тәрбие сағаттарын дайындап, өткізді.
Іс-шаралардың мақсаты – оқушылардың бойына Отанға деген сүйіспеншілікті, жауапкершілікті және айналасындағыларға құрметпен қарау қасиеттерін қалыптастыру.
Апта дәйексөзі: «Бірлік болмай, тірлік болмайды».
Тәрбие сағаттары барысында оқушылар Тәуелсіздік, бірлік пен татулықтың маңызын талқылап, өз ойларымен бөлісті, ізгі әрі жауапты іс-әрекеттерге мысалдар келтірді. Іс-шара соңында оқушылар Отанға деген сүйіспеншілік пен жеке жауапкершілік қоғамда өмір сүру мен мемлекетті дамытудағы маңызды негіз екенін түсінді.