21.11.2025
Бүгін мектебімізде ата-аналарды педагогикалық қолдау орталығының жоспарына сәйкес 8-11 “А” сынып оқушыларының ата-аналарына арналған маңызды жиналыс өтті.
Жиналыс «Қауіпсіздік пен сенімнің негізін қалаймыз» тақырыбында өтіп, педагогтар мен ата-аналардың өзара түсіністігін арттыруға, балаларға қауіпсіз орта қалыптастыруға бағытталды.
Мақсаты:
Ата-аналарға жарақаттық тәжірибенің балаға әсері туралы негізгі білім беру.
Міндеттері:
• ата-аналардың мазасыздық деңгейін төмендету;
• баланы эмоционалды қолдаудың маңыздылығын түсіндіру;
• ата-аналарға өз жағдайын тұрақтандыру әдістерін үйрету.
Іс-шара барысында келесі маңызды бағыттар талқыланды:
• Оқушылардың мектептегі және үйдегі қауіпсіздігі;
• Психологиялық жайлылық;
• Ата-ана мен мұғалім арасындағы сенімді байланыс;
• Баланы қолдау жолдары.
Сұхбатқа толы, пайдалы кеңестер берілген, ашық форматта өткен жиын ата-аналардың белсенді қатысуымен жоғары деңгейде ұйымдастырылды.